Irizarrek "Itxas Zaindari" saria jaso du ekonomia zirkularreko Izir proiektuagatik

Gipuzkoako Foru Aldundiko Ingurumen Sailak eta Mater Itsasontzi Ekoizle Museoak ematen duten sari honek Irizarrek ekonomia zirkularraren alde egindako apustua aitortzen du, bere enpresa-jarduerari lotutako hondakinak eta soberakinak jada amaitutako zenbait produktu bihurtuz. Irizar, Gipuzkoako beste bi enpresarekin batera, Sutargi eta 3R3D Technology Materials, #ZeroZaborEnpresak kategorian aintzatetsi dute. Kategoria horretan, enpresetan hondakinak minimizatzeko proposamen jasangarri eta berritzaileak balioesten dira. Lehiaketa, era berean, EKOFISH proiektuaren barruan kokatzen da. Proiektuaren helburu nagusia itsas zaborren arazoaz kontzientziatzea eta herritarrak horien prebentzioan inplikatzea da.